Ազատ ոճայինները նախապատրաստվում են միջազգային մրցաշարի

ԵՐԵՎԱՆ, 2 ՀՈՒՆԻՍԻ, ԱՐՄԵՆՊՐԵՍ: Հայաստանի ազատ ոճի ըմբշամարտի հավաքականը նախապատրաստվում է Թբիլիսիի միջազգային մրցաշարին:

«Արմենպրես»-ի հաղորդմամբ` Օլիմպավանում ընթացող ուսումնամարզական հավաքին մասնակցում են Հայաստանի չեմպիոնները և փոխչեմպիոնները, ինչպես նաև երիտասարդ մի քանի ըմբիշներ:

Ազատ ոճայինները կմասնակցեն Թբիլիսիում հունիսի 6-7-ին կայանալիք միջազգային մրցաշարին: