Օսմանյան Թուրքիայում հայերի ոչնչացման արշավը չի հաղթանակել. Գլեյդիս Բերեջիկլյան

ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Ավստրալիայի Սիդնեյ քաղաքում Հայոց ցեղասպանության զոհերի հիշատակման արարողության ընթացքում ունեցած ելույթի ժամանակ Ավստրալիայի Նոր Հարավային Ուելս նահանգի վարչապետ Գլեյդիս Բերեջիկլյանն ընդգծել է ցեղասպանության զոհերի մասին հիշողության պահպանման կարևորությունը:

«Եկել ենք հիշատակելու 1.5 միլիոն զոհերին, զոհեր, ովքեր անպատկերացնելի տառապանքներ են կրել ուղղակի հայ լինելու համար: 2015թ-ին սուրբ Էջմիածնում Ամենայն Հայոց Կաթողիկոսն ու Մեծի Տանն Կիլիկիո կաթողիկոսը զոհերին սրբադասեցին: Էջմիածնից ուղերձը տարածվեց ողջ աշխարհով մեկ, այդ թվում հասնելով Սիդնեյ` խորհրդանշելով, որ ցեղասպանության զոհերը երբեք չեն մոռացվի»,- «Արմենպրես»-ի փոխանցմամբ` նշել է Բերեջիկլյանը: Նա նաև շնորհակալություն է հայտնել իր ավստրալացի խորհրդարանական գործընկերներին, ում աջակցությունը հայ համայնքը շատ բարձր է գնահատում:

«Մենք պետք է հպարտ լինենք մեր արմատներով: Մենք այսօր շնորհակալություն ենք հայտնում նաև մեր ծնողներին, տատիկներին ու պապիկներին, ովքեր կարողացել են նոր կյանք կառուցել նման տառապանքներից: Նրանք ի վիճակի եղան վերակառուցել հայ ժողովրդի կյանքը երկրագնդի բոլոր կողմերում»,- ընդգծել է Գլեյդիս Բերեջիկլյանը:

Նրա խոսքով` բոլոր հայ ընտանիքները խիզախություն ու դիմադրողականություն են ցուցաբերել այս ողջ ընթացքում: «Մենք նրանց պարտական ենք, ինչպես նաև պարտական ենք ողջ մարդկությանը, որպեսզի կարողանանք կանխարգելել ու նոր 1915 թվականներ տեղի չունենան: Օսմանյան Թուրքիայում հայերի ոչնչացման արշավը չի հաղթանակել: Մենք այսօր այստեղ կանգնած ենք որպես այդ ցեղասպանության արդյունք, սակայն որպես ուժի օրինակ»,- ամփոփել է Բերեջիկլյանը:

Օսմանյան կառավարության կողմից իրականացված Հայոց ցեղասպանության փաստըհիմնավորվել է, ճանաչվել ու հաստատվել ականատեսների վկայություններով, օրենքներով, բանաձեւերով եւ բազմաթիվ նահանգների ու միջազգային կազմակերպություններիորոշումներով: 1915թ. Օսմանյան կայսրությունում հայ բնակչության մասսայական կոտորածներըորպես նախապես ծրագրավորված ու ամբողջությամբ իրագործված ցեղասպանական ակտորակող փաստաթղթերի ամբողջական շարքը հսկայական է: Հայոց ցեղասպանություննընդունել են այնպիսի կազմակերպություններ, ինչպիսիք են Եվրոպայի Խորհուրդը, Եվրախորհրդարանը, ՄԱԿ-ի մի քանի հանձնաժողովներ, Եկեղեցիների համաշխարհայինմիությունը, Հարավային Ամերիկայի խոշորագույն կազմակերպություններից մեկի` ՄԵՐԿՈՍՈւՐ-ի խորհրդարանը եւ այլն:

Հայոց ցեղասպանությունը ճանաչել են շատ պետություններ. առաջինըպաշտոնապես ընդունել է Ուրուգվայը 1965 թ.: Հայ ժողովրդի կոտորածը պաշտոնապեսդատապարտել եւ ճանաչել են որպես ցեղասպանություն` ըստ միջազգային իրավունքի, հետեւյալերկրները` Ֆրանսիա, Իտալիա, Բելգիա, Նիդեռլանդներ, Շվեյցարիա, Շվեդիա, Ռուսաստան, Լեհաստան, Լիտվա, Հունաստան, Սլովակիա, Կիպրոս, Լիբանան, Ուրուգվայ, Պարագվայ, Արգենտինա (2 օրենք, 5 բանաձեւ), Վենեսուելա, Չիլի, Բոլիվիա, Կանադա, Վատիկան, Ավստրիա, Լյուքսեմբուրգ, Գերմանիա, Ավստրալիայի Նոր Հարավային Ուելս նահանգը, ԱՄՆ 45 նահանգներ: