«Մանչեսթեր Յունայթեդ»-«Անդերլեխտ». Մխիթարյանը դարձել է գոլի հեղինակ

ԵՐԵՎԱՆ, 20 ԱՊՐԻԼԻ, ԱՐՄԵՆՊՐԵՍ: Եվրոպայի լիգայի քառորդ եզրափակիչ փուլի պատասխան խաղում անգլիական «Մանչեսթեր Յունայթեդ»-ը հյուրընկալել է բելգիական «Անդերլեխտ»-ին: Այս պահին ընթանում է հանդիպման առաջին խաղակեսը: Ինչպես հաղորդում է «Արմենպրես»-ը, խաղի 10-րդ րոպեին «Մանչեսթեր Յունայթեդ»-ին հաջողվել է բացել հաշիվը: Անգլիական ակումբի կազմում գոլի հեղինակ է դարձել Հայաստանի ազգային հավաքականի կիսապաշտպան Հենրիխ Մխիթարյանը: Սակայն 31-րդ րոպեին Սոֆիան Հանին հավասարեցրել է հաշիվը:

Դիմակայության առաջին խաղում անգլիական ակումբը մրցակցի հարկի տակ ոչ ոքի 1-1 հաշվով էր ավարտել հանդիպումը: Այդ խաղում ևս «Մանչեսթեր Յունայթեդ»-ի միակ գոլը հեղինակել էր Հենրիխ Մխիթարյանը: