Սերգեյ Լավրովի՝ Ադրբեջան այցի ընթացքում տարաբնույթ հարցեր են քննարկվելու

ԲԱՔՈՒ, 14 ՄԱՅԻՍԻ, ԱՐՄԵՆՊՐԵՍ: Ռուսաստանի արտաքին գործերի նախարար Սերգեյ Լավրովի՝ մայիսի 21-22-ն ակնկալվող այցի ընթացքում երկու պետությունների արտաքին քաղաքական գերատեսչությունները կոնսուլտացիաներ կանցկացնեն լայն շրջանակի հարցերի շուրջ: Ինչպես հայտնել են Ադրբեջանում Ռուսաստանի դեսպանությունում, «կոնսուլտացիաները կանցկացվեն ընդլայնված կազմով. Ռուսաստանի արտգործնախարարին այցի ընթացքում ուղեկցելու են արտաքին գործերի փոխնախարար Գրիգորի Կարասինը եւ ՌԴ-ի ԱԳՆ-ի դեպարտամենտների ղեկավարներե: Ադրբեջանի արտգործնախարար Էլմար Մամեդյարովի հետ Լավրովի հանդիպմանը քննարկվելու են անվտանգության, տարածաշրջանային համագործակցության, էներգետիկայի հարցեր, Կասպից ծովի իրավական կարգավիճակը եւ այլ հարցեր: Ծրագրվում է նաեւ, որ Ռուսաստանի ԱԳ նախարարին կընդունի Ադրբեջանի նախագահ Իլհամ Ալիեւը: