Հայաստանցի զբոսաշրջիկները նախընտրում են մեկնել Վրաստան, Հունաստան, Եգիպտոս և Իսպանիա

2 րոպեի ընթերցում

ԵՐԵՎԱՆ, 28 ՆՈՅԵՄԲԵՐԻ, ԱՐՄԵՆՊՐԵՍ: Զբոսաշրջության նպատակով 2016թ. հունվար-սեպտեմբերին Հայաստանից մեկնել է 903 հազար 541 մարդ. 2015թ. համապատասխան ժամանակաշրջանի նկատմամբ ցուցանիշն աճել է 3 %-ով: Այս մասին «Արմենպրես»-ի հետ զրույցում ասաց ՀՀ տնտեսական զարգացման և ներդրումների նախարարության Զբոսաշրջության պետական կոմիտեի նախագահի ժամանակավոր պաշտոնակատար Զարմինե Զեյթունցյանը:

Նրա խոսքով`ուսումնասիրությունները ցույց են տալիս, որ արտագնա զբոսաշրջության նպատակով հիմնականում Հայաստանից մեկնում են ծովափնյա երկրներ: «Այդ առումով Վրաստանը մեզ ամենամոտն է և ամենամատչելին է, մուտքի արտոնագիր չի պահանջվում: Կարծում եմ, դրանով է պայմանավորված սեզոնային զբոսաշրջության ավելացումը Վրաստանում: Հայ զբոսաշրջիկները, Վրաստանից բացի, հիմնականում նախընտրում են նաև Հունաստանը, Եգիպտոսը, Իսպանիան»,-ասաց նա:

Զբոսաշրջության պետական կոմիտեի նախագահի ժամանակավոր պաշտոնակատարը նշեց, որ տարեցտարի հայերի մոտ ավելանում է նաև այնպիսի երկրների նկատմամբ հետաքրքրությունը, որոնք, բացի ծովային հանգստից, առաջարկում են նաև հետաքրքիր համադրությամբ զբոսաշրջային արդյունք` պատմամշակութային և այլն: «Միաժամանակ, այստեղ պետք է հաշվի առնել այն, որ շուկայում աստիճանաբար ավելի նկատելի է դառնում նոր երկրներ ու նոր փորձառություններ փնտրելու միտումը»,-ասաց Զեյթունցյանը:

Հայերը նախընտրում են իրենց հանգիստն անցկացնել նաեւ Հայաստանի տեսարժան վայրերում: Համաձայն սոցիալական փաթեթի հանգստի ապահովման ծառայության շրջանակներում հաշվառված զբոսաշրջային օպերատորների կողմից ՀՀ տնտեսական զարգացման և ներդրումների նախարարություն ներկայացված տեղեկատվությունների` 2015թ. և 2016թ. 1-ին կիսամյակի ընթացքում սոցիալական փաթեթի շրջանակներում զբոսաշրջային փաթեթներ և առանձին հյուրանոցային ծառայություններ իրացվել են հիմնականում դեպի Ծաղկաձոր, Դիլիջան, Սևան, Հանքավան, Աղվերան, Ջերմուկ եւ Ստեփանավան:

Հայերեն English Русский

Լևոն Աբրահամյանը՝ Հայաստանի նկարիչների միության նոր նախագահ

Իրանի դեմ վերջերս տեղի ունեցած երկու պատերազմների ընթացքում զոհվել է առնվազն 428 երեխա և դեռահաս

Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ

ԻՀՊԿ-ն հայտնել է Հորմուզի նեղուցի մոտակայքում 58-րդ ամերիկյան MQ-9 ԱԹՍ-ը խոցելու մասին

Հայաստանում կստեղծվի կիբեռանվտանգության կամպուս. ծրագիրը կիրականացվի Ֆրանսիայի և ԵՄ-ի աջակցությամբ

Կայացավ ՀՆՄ 21-րդ համագումարը

Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն

Հունաստանի ամենահեղինակավոր Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես

«Վայլդբերրիզ» ՍՊԸ-ի գլխավոր տնօրենի փոփոխությունը չի ազդում ընկերության գործառնական գործունեության վրա

Հայաստանն ԱԲ ոլորտում կարող է համաշխարհային թատերաբեմ դուրս գալ․ ՀՀ վարչապետի և NVIDIA-ի փոխնախագահի մասնակցությամբ քննարկում է անցկացվել