«Զվարթնոց» օդանավակայանում տասն ամսում ուղևորահոսքն աճել է 9.5 տոկոսով

ԵՐԵՎԱՆ, 8 ՆՈՅԵՄԲԵՐԻ, ԱՐՄԵՆՊՐԵՍ: «Զվարթնոց» օդանավակայանում 2016 թվականի հոկտեմբեր ամսին` 2015 թվականի նույն ամսվա հետ համեմատած՝ գրանցվել է ուղևորհոսքի 32 տոկոս աճ: Այս մասին «Արմենպրես»-ին տեղեկացրին Քաղաքացիական ավիացիայի գլխավոր վարչության մամուլի բաժնից:

2016 թվականի հունվար-հոկտեմբեր ամիսներին ուղևորահոսքը կազմել է 1747926 մարդ, որը 9.5 տոկոսով աճել է նախորդ տարվա նույն ժամանակահատվածի համեմատ:

«Զվարթնոց» օդանավակայանում 2016 թվականին բեռնափոխադրումը կազմել է 13290 տոննա ապրանք, որը 81 տոկոսով ավելին է, քան 2015 թվականին է եղել: