1 րոպեի ընթերցում
ԵՐԵՎԱՆ, 18 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանում Apple ընկերության պաշտոնական ներկայացուցիչ iStore խանութ-սրահում հոկտեմբերի 22-ին կտրվի բարձր տեխնոլոգիաների ոլորտում այս տարի ամենասպասված իրադարձության` iPhone7 հեռախոսների վաճառքի մեկնարկը: Apple ընկերությունը iStore խանութին շնորհել է Հայաստանում iPhone7 հեռախոսների պաշտոնական վաճառքի իրավունքը:
«Արմենպրես»-ի հետ զրույցում iStore խանութի տնօրեն Էռնեստ Մարդոյանընշեց, որ հեռախոսի գրեթե բոլոր մոդելներն առկա են խանութում: Մեկնարկային գինն էլ սահմանվել է 425 հազար դրամ: «Մեր սրահում առկա են հեռախոսի բոլոր հինգ գույները: iPhone7 32 Գբ-ն կարժենա 425 հազար դրամ, iPhone7 128 Գբ-ն՝ 465 հազար դրամ, iPhone7 256 Գբ-ն` 516 հազար դրամ»,- ասաց նա:
iStore խանութից iPhone7 հեռախոսները գնելու դեպքում գնորդը կստանա պաշտոնական երաշխիք:
iPhone7-ն, ի տարբերություն իր նախորդների, ավելի բարակ է, կաթիլակայուն, տեխնիկապես ավելի հզոր: Հեռախոսը չունի ականջակալների մուտք, լիցքը բավականացնում է մինչև 14 ժամ աշխատանքի համար: