1 րոպեի ընթերցում
ԵՐԵՎԱՆ, 14 ՀՈԿՏԵՄԲԵՐԻ, ԱՐՄԵՆՊՐԵՍ: Հավաքական անվտանգության պայմանագրի կազմակերպության անդամ երկրների նախագահները ժամանել են ՀՀ նախագահական նստավայր: Ինչպես հաղորդում է «Արմենպրես»-ը ՀԱՊԿ անդամ երկրների առաջնորդներին ՀՀ նախագահական նստավայրում դիմավորեց Նախագահ Սերժ Սարգսյանը:
ՀԱՊԿ անդամ երկրների ղեկավարները և ՀԱՊԿ գլխավոր քարտուղարը համատեղ կլուսանկարվեն, որից հետո կմեկնարկի ՀԱՊԿ ղեկավարների՝ նեղ կազմով քննարկումը, իսկ այնուհետև՝ ՀԱՊԿ Հավաքական անվտանգության խորհրդի նստաշրջանն՝ ընդլայնված կազմով:
Նիստի ավարտից հետո ՀՀ Նախագահ Սերժ Սարգսյանը, Բելառուսի նախագահ Ալեքսանդր Լուկաշենկոն և ՀԱՊԿ գլխավոր քարտուղար Նիկոլայ Բորդյուժան մամուլի համար հայտարարությամբ հանդես կգան:
ՀԱՊԿ խորհրդի նիստին մասնակցելու համար Հայաստան են ժամանել ՌԴ նախագահ Վլադիմիր Պուտինը, Բելառուսի նախագահ Ալեքսանդր Լուկաշենկոն, Տաջիկստանի նախագահ Էմոմալի Ռահմոնը, Ղրղզստանի նախագահ Ալմազբեկ Աթամբաևը, Ղազախստանի վարչապետ Բակիջան Սագինտաևը: