Դոնալդ Թրամփը խաղաղություն կբերի Կովկասին․ կոնգրեսական Ջո Ուիլսոն

Միացյալ Նահանգների Կոնգրեսի Ներկայացուցիչների պալատի հանրապետական ​​անդամ Ջո Ուիլսոնը կարծիք է հայտնել, որ ԱՄՆ-ի ընտրված նախագահ Դոնալդ Թրամփը խաղաղություն կբերի Կովկասին։ 

«Արմենպրես»-ի հաղորդմամբ՝ այս մասին Կոնգրեսի Ներկայացուցիչների պալատի հանրապետական ​​անդամը նշել է X-ի իր միկրոբլոգում կատարած գրառման մեջ։

Նրա դիտարկմամբ՝ ինչպես Դոնալդ Թրամփը խաղաղություն է բերում Մերձավոր Արևելքին, նույնը կանի նաև Կովկասում։ 

«Մենք հնարավորություն ունենք կրկին հզորացնել Կովկասը՝ հիմնված համընդհանուր խաղաղության և բարգավաճման վրա։ Դրա համար մեզ անհրաժեշտ է խաղաղության պայմանագիր Ադրբեջանի և Հայաստանի ժողովուրդների միջև։ Ինչպես Դոնալդ Թրամփը խաղաղություն է բերում Մերձավոր Արևելքում, ես գիտեմ, որ նա նույնը կանի Կովկասում»,- գրել է նա։ 

We have an opportunity to Make Caucasus Great Again, a Caucasus built on shared Peace & Prosperity. For that, we need a peace deal between the Great Nations of Azerbaijan & Armenia. As @realdonaldtrump is bringing Peace to the Middle East, I know he will do the same in Caucasus.

— Joe Wilson (@RepJoeWilson) January 16, 2025