ՀՀ-ում ԵՄ դիտորդական առաքելությունը հյուրընկալել է ԵՄ անդամ երկրների 22 դեսպանի, ներկայացրել իրականացվող աշխատանքները

Հայաստանի Հանրապետությունում գործունեություն ծավալող Եվրոպական միության դիտորդական առաքելությունը՝ ղեկավար Մարկուս Ռիտերի գլխավորությամբ, հունվարի 17-ին հյուրընկալել է Հայաստանում հավատարմագրված ԵՄ անդամ 22 պետության դեսպաններին, նրանց ներկայացրել առաքելության գործունեության վերջին զարգացումները։ 

«Արմենպրես»-ի հաղորդմամբ՝ այս մասին նշված է Հայաստանում ԵՄ դիտորդական առաքելության X-ի միկրոբլոգում կատարված գրառման մեջ։

«Հայաստանում Եվրոպական միության դիտորդական առաքելությունը պատիվ է ունեցել հյուրընկալել Հայաստանում հավատարմագրված ԵՄ 22 անդամ երկրի դեսպանների և նրանց ներկայացնել առաքելության գործողությունների, մանդատի և ծրագրերի վերաբերյալ վերջին զարգացումները»,-նշել է ՀՀ-ում ԵՄ դիտորդական առաքելությունը՝  շնորհակալություն հայտնելով անդամ երկրներին նրանց հաստատուն աջակցության և շարունակական ներդրման համար:

#EUMA had an honour to host ambassadors from 22 🇪🇺 EU nations to 🇦🇲 and give them overview on our latest developments on operations, mandate and plans. We are grateful to member nations for their steadfast support and continuous contribution.🇪🇺🇦🇲 pic.twitter.com/AhUWIMIgUv

— European Union Mission in Armenia (@EUmARMENIA) January 17, 2025

Ավելի վաղ, Հայաստանում Ֆրանսիայի արտակարգ և լիազոր դեսպան Օլիվիե Դըկոտինյին հայտնել էր, որ հունվարի 17-ին եվրոպական երկրների դեսպանների հետ այցելելու են Վայոց ձորի մարզ։