2 րոպեի ընթերցում
ԵՐԵՎԱՆ, 8 ՀՈՒՆԻՍԻ, ԱՐՄԵՆՊՐԵՍ: Վրաստանում հունիսի 8-ին մեկնարկել Է խորհրդարանական ընտրություններին նախորդող նախընտրական արշավը: Ինչպես տեղեկացնում Է «Արմենպրես»-ը, համապատասխան կարգադրությունը հրապարակվել Է նախագահական վարչակազմի կայքում:
Վրաստանում խորհրդարանական ընտրությունները կանցկացվեն հոկտեմբերի 8-ին: Օրենսդիր մարմնի տեղերի համար նախնական տվյալներով կպայքարեն 30-ից ավելի կուսակցություններ: Կուսակցությունների գրանցումը կշարունակվի ընդհուպ մինչեւ օգոստոս: Բացի այդ, հոկտեմբերի 8-ին կանցկացվեն նաեւ Աջարիայի Ինքնավար Հանրապետության Գերագույն խորհրդի ընտրությունները:
Երկրի Ընտրական օրենսգրքի համաձայն՝ կուսակցություններն արդեն քարոզչական պլակատներ փակցնելու եւ քարոզչության իրավունք ունեն, բացի այդ, ուժի մեջ Է մտել վարչական ռեսուրսների օգտագործման արգելքը: Նաեւ սկսել Է գործել կուսակցությունների նախընտրական արշավին բարձրաստիճան պաշտոնյաների մասնակցության արգելքը:
Վրաստանի նախագահ Գեորգի Մարգվելաշվիլին ընտրությունների ամսաթվի նշանակման մասին կարգադրությունն ստորագրել Է հունիսի 3-ին, իսկ հունիսի 8-ին այն ստորագրել Է Վրաստանի վարչապետ Գեորգի Կվիրիկաշվիլին:
Ինչպես նշում Է Sputnik-ը, դա ընտրություններից առաջ ամենաերկար ընտրարշավը կլինի ժամանակակից Վրաստանի ողջ պատմության ընթացքում: