Իրանի ֆուտբոլի ազգային հավաքականն ուսումնամարզական հավաք կանցկացնի Երևանում

ԵՐԵՎԱՆ, 1 ՀՈՒՆԻՍԻ,ԱՐՄԵՆՊՐԵՍ:Ֆուտբոլի Իրանի ազգային հավաքականը պատրաստվում է ուսումնամարզական հավաք անցկացնել Հայաստանում:Ինչպես հաղորդում է «Արմենպրես»-ը՝ վկայակոչելով iransportspress.com-ը,հավաքը նախատեսված էր անցկացնել Հարավային Աֆրիկայում, սակայն իրանցիները չեղյալ են հայտարարել այդ հավաքը:

Իրանի հավաքականը Կարլուշ Կեյրուշի գլխավորությամբ Երևան կժամանի հունիսի 19-ին, իսկ հավաքը կտևի 9 օր:

Իրանի ընտրանին պատրաստվում է ԱԱ-2018-ի Ասիական գոտու ընտրական փուլին: A խմբում Կեյրուշի սաների մրցակիցներն են Հարավային Կորեայի, Ուզբեկստանի, Քաթարի, Չինաստանի և Սիրիայի հավաքականները:

Իրանի հավաքականի ավագն է Անդրանիկ Թեյմուրյանը: