1 րոպեի ընթերցում
ԵՐԵՎԱՆ, 24 ՄԱՅԻՍԻ, ԱՐՄԵՆՊՐԵՍ: Բուլղարիան այս տարվա հուլիսի վերջին ավարտին կհասցնի Թուրքիայի հետ սահմանին 146 կմ երկարությամբ փշալարից պատի կառուցման աշխատանքները:
Այս մասին, ինչպես հաղորդում է «Արմենպրես»-ը` վկայակոչելովNovinite լրատվական գործակալությունը, հայտարարել է Բուլղարիայի ներքին գործերի նախարար Ռումյանա Բաչավարովան` նշելով, որ Թուրքիայի սահմանին պատը կառուցվում է միգրանտների հոսքն այդ երկրից կանխելու համար:
Նշվում է, որ անցյալ շաբաթ օրը Բաչավարովան, Բուլղարիայի վարչապետ Բոյկո Բորիսովը եւ պաշտպանության նախարար Նիկոլայ Նենչեւը տեսչություն են անցկացրել պատի կառուցված հատվածներում:
Բաչավարովան նշել է, որ պատը կառուցվում է առաջին հերթին այն բանի համար, որպեսզի երկրի քաղաքացիներն իրենց անվտանգ զգան: