1 րոպեի ընթերցում
ԵՐԵՎԱՆ, 16 ՄԱՅԻՍԻ, ԱՐՄԵՆՊՐԵՍ: Մինչեւ 2060 թվականը կլիմայի գլոբալ փոփոխությունների պատճառով ավելի քան 1 մլրդ մարդ մշտապես ենթակա Է լինելու աղետալի ջրհեղեղների վտանգին: Այդ մասին ասված Է «Քրիստոնեական օգնություն» բրիտանական հումանիտար կազմակերպության նոր զեկույցում, տեղեկացնում Է «Արմենպրես»-ը՝ հղում անելով BBC-ին:
Այդ ուսումնասիրության համաձայն՝ առավել մեծ վտանգի կենթարկվեն ԱՄՆ-ը, Չինաստանը եւ Հնդկաստանը:
Նրանց առաջին հերթին են սպառնալու համաշխարհային օվկիանոսի ջրի մակարդակի բարձրացման հետեւանքները, այդ թվում՝ փոթորկալի քամիները:
Առավել մեծ վտանգն սպառնում Է Հնդկաստանի Կալկաթա եւ Մումբայ քաղաքներին: Ցուցակի եւս ութ քաղաքներ գտնվում են Ասիայում, նրանց հաջորդում Է Մայամին:
Դեկտեմբերին Փարիզում կայացած կլիմայական խորհրդաժողովի մասնակիցները պարտավորություն են ստանձնել կրճատել ածխաթթվի արտանետումները մթնոլորտ՝ թույլ չտալով, որ այն մինչեւ 2100 թվականը տաքանա Ցելսիուսի ավելի քան 2 աստիճանով:
Փաստաթուղթը նաեւ նախատեսում Է զարգացող երկրներին 100 մլրդ դոլար հատկացնել վնասակար արտանետումների դեմ պայքարելու նպատակով:
Լուսանկարը` AP