Վալերի Բուայեի մասնակցությամբ տեղի է ունեցել Հայոց ցեղասպանությանը նվիրված խորհրդաժողով
1 րոպեի ընթերցում
ԵՐԵՎԱՆ, 20 ԱՊՐԻԼԻ, ԱՐՄԵՆՊՐԵՍ: Մարսելում տեղի է ունեցել Հայոց ցեղասպանության 101-րդ տարելիցին նվիրված խորհրդաժողով, որին մասնակցել են Ֆրանսիացի հասարակական քաղաքական գործիչներ, այդ թվումԲուշ Դու Ռոնից Ֆրանսիայի Ազգային ժողովի պատգամավոր Վալերի Բուայեն,հայկական կազմակերպությունների ներկայացուցիչներ: Ինչպես հաղորդում է«Արմենպրես»-ը՝ այդ մասին թվիթերյան իր միկրոբլոգի միջոցով տեղեկացրել է Բուայեն:
Խորհրդաժողովի նախաձեռնող Մարտին Վասալը նշել է, որ Հայոց ցեղասպանության միջազգային ճանաչաման և դրա հետևանքների վերացման պայքարը չի ավարտվել, հակառակը, այն ամեն տարի պետք է կրի շարունակական բնույթ: «Հայ երիտասարդները պետք է շարունակեն բողոքի ակցիաներն ու հիշատակի միջոցառումները, որպեսզի նման ոճիրներ այլևս երբեք չկրկնվեն»,- ասել է նա:
«Ճշմարտությունը պետք է ճանաչվի, և Թուրքիան ընդունի ցեղասպանությունը: Դրա համար պայքարը պետք է շարունակվի»,- իր հերթին ասել է Ֆրանսիայի հայկական կազմակերպությունները համակարգող կազմակերպության քարտուղար Պասկալ Շամասյանը: