Կառավարության անդամները մեկ րոպե լռությամբ հարգեցին ադրբեջանական ագրեսիայի զոհերի հիշատակը
1 րոպեի ընթերցում
ԵՐԵՎԱՆ, 6 ԱՊՐԻԼԻ, ԱՐՄԵՆՊՐԵՍ: ՀՀ կառավարության նիստը մեկնարկեց մեկ րոպե լռությամբ՝ ի հիշատակ Ադրբեջանի կողմից սանձազերծած մարտական գործողությունների հետևանքով զոհված հայ զինծառայողների:
«Վերջին օրերին Ադրբեջանի զինված ուժերը լայնածավալ ագրեսիա սանձազերծեցին շփման գծի ողջ երկայնքով, ծանր հրետանու թիրախ դարձան Պաշտպանական բանակի դիրքերը, քաղաքացիական օբյեկտները: Առաջարկում եմ մեկ րոպե լռությամբ հարգել նահատակների հիշատակը»,-«Արմենպրես»-ի հաղորդմամբ՝ ասաց ՀՀ վարչապետ Հովիկ Աբրահամյանը:
Ապրիլի 5-ի ժամը 12-ից պայմանավորվածություն է ձեռք բերվել դադարեցնել կրակը սահմանների շփման գոտում: ՀՀ պաշտպանության նախարար Սեյրան Օհանյանը տեղեկացրել է, որ այդ պայմանավորվածությունը ձեռք է բերվել ՀՀ և Ադրբեջանի ԶՈւգլխավոր շտաբների պետերի հանդիպման ժամանակ, որը տեղի է ունեցել Մոսկվայում: