Ժխտողականությունը պետական քաղաքականության առանցք դարձնելը Թուրքիային չի ազատում պատմությանն առերեսվելու պատասխանատվությունից. ՀՀ ԱԳՆ
1 րոպեի ընթերցում
ԵՐԵՎԱՆ, 18 ՄԱՐՏԻ, ԱՐՄԵՆՊՐԵՍ: ՀՀ ԱԳՆ մամուլի խոսնակ Տիգրան Բալայանը պատասխանել է Հանրային հեռուստաընկերության «Առաջին լրատվական» ծրագրի՝ ՀՀ Նախագահի և Հունաստանի վարչապետի` Աթենքում կայացած ասուլիսի վերաբերյալ Թուրքիայի ԱԳՆ արձագանքին առնչվող հարցին։
Ինչպես «Արմենպրես»-ին տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից, «Ինչպե՞ս կմեկնաբանեք Հայաստանի Նախագահի և Հունաստանի վարչապետի` Աթենքում կայացած ասուլիսի վերաբերյալ Թուրքիայի ԱԳՆ արձագանքը» հարցին Տիգրան Բալայանը պատասխանել է.«Հայ և հույն ժողովուրդների բազմադարյա բարեկամությունը հիմնված է միահյուսված ճակատագրի և փոխադարձ աջակցության բազմաթիվ դրսևորումների վրա:
Ժխտողականությունը պետական քաղաքականության առանցք դարձնելը Թուրքիային չի ազատում պատմությանն առերեսվելու պատասխանատվությունից»։