368.54
ԵԱՀԿ Մինսկի խմբի գործունեությունն ուղղված է ԼՂ հակամարտության խաղաղ կարգավորմանը
1 րոպեի ընթերցում
ԵՐԵՎԱՆ, 16 ՓԵՏՐՎԱՐԻ, ԱՐՄԵՆՊՐԵՍ: ԵԱՀԿ Մինսկի խմբի նպատակը ղարաբաղյան հակամարտության խաղաղ կարգավորումն է: Ինչպես հաղորդում է «Արմենպրես»-ը՝ վկայակոչելով ադրբեջանական ԱՊԱ գործակալությունը, այս մասին հայտարարել է Ադրբեջանում ԱՄՆ դեպսան Ռոբերտ Սեկուտան:
«ԵԱՀԿ Մինսկի խմբի գործունեությունն ուղղված է Լեռնային Ղարաբաղի ձգձգված հակամարտության խաղաղ կարգավորմանը»,- ասել է Սեկուտան՝ ընդգծելով, որ այդ մասին խոսվում է համանախագահների, այդ թվում և Մինսկի խմբի ԱՄՆ համանախագահ Ջեյմս Ուորլիքի հայտարարություններում:
Սեկուտան նշել է նաև, որ ՆԱՏՕ-ի անդամ երկրները ցանկանում են տեսնել ազատ Եվրոպա, որտեղ տիրում է խաղաղություն և հանգստություն:
«Այդ նպատակին հասնելու համար անհրաժեշտ են համատեղ ջանքեր ԵԱՀԿ Հելսինկյան համաձայնագրի և ՄԱԿ-ի համընդհանուր ճանաչված սկզբունքների հիման վրա»,-նշել է Ադրբեջանում ԱՄՆ դեսպանը:
Բաժանորդագրվեք մեր ալիքին Telegram-ում