Թուրքիան չպետք է ԵՄ-ի անդամ դառնա. Սարկոզի

ԵՐԵՎԱՆ, 2 ԴԵԿՏԵՄԲԵՐԻ, ԱՐՄԵՆՊՐԵՍ: Թուրքիան չպետք Է ԵՄ-ի անդամ դառնա, սխալ Է Անկարային թույլ տալ հավատալ, որ երկիրը կարող Է Եվրամիության մաս կազմել: Այդ մասին, ինչպես տեղեկացնում Է «Արմենպրես»-ը, հայտարարել Է Ֆրանսիայի նախկին նախագահ Նիկոլյա Սարկոզին՝ ելույթ ունենալով Europe 1 ռադիոկայանի եթերում:

«Սխալ Է՝ խաբել ու ստիպել թուրքերին հավատալ, որ նրանք կարող են միանալ Եվրոպային: Մենք պետք Է սերտ հարաբերություններ ունենանք Թուրքիայի հետ, ընդհանուր շահեր ունենանք Թուրքիայի հետ: Բայց նա չպետք Է ԵՄ-ի անդամ լինի»,- ասել Է Սարկոզին:

Նոյեմբերի վերջին Եվրամիությունը եւ Թուրքիան հավանություն են տվել միգրացիայի դեմ պայքարի միջոցառումների վերաբերյալ համաձայնագրին, որի շրջանակներում ԵՄ-ն Թուրքիային կհատկացնի 3 մլրդ եվրո եւ կակտիվացնի բանակցություններն անդամակցության շուրջ, հաղորդել Է ՌԻԱ Նովոստին: