Բիզնես ինովացիոն ֆորում 2015-ը կհամադրվի միջազգային փորձն ու Հայաստանի ինովացիոն քաղաքականությունը
3 րոպեի ընթերցում
ԵՐԵՎԱՆ, 6 ՆՈՅԵՄԲԵՐԻ, ԱՐՄԵՆՊՐԵՍ: Տեղեկատվական տեխնոլոգիաների ոլորտի լուծումները տնտեսության մեջ կիրառելու հարցերին ուղղված Բիզնես ինովացիոն 3-րդ ֆորումը կքննարկի համաշխարհային փորձի առանձահատկությունները: Նոյեմբերի 13-14-ին Դիլիջանում կայանալիք համաժողովը կկրի «Հայաստան 2018-ին 20 ամենանորարար երկրների շարքում» խորագիրը: Ինչպես «Արմենպրես»-ին տեղեկացրին Ինֆորացիոն տեխնոլոգիաների ձեռնարկությունների միությունից, երկօրյա ինովացիոն ֆորումի ժամանակ կներկայացվի տեղական և համաշխարհային փորձը, կլինեն գործնական քննարկումներ շահագրգիռ կողմերի մասնակցությամբ և կտրվեն համապատասխան լուծումներ 2018թ. Հայաստանը 20 ամենանորարար երկրների շարքում դիրքավորելու համար:
Երկօրյա ինովացիոն ֆորումի հիմնական խոսնակները կլինեն տեղական և միջազգային հեղինակավոր ընկերությունների ներկայացուցիչները, այդ թվում Իսրայելի առաջատար ձեռնարկատերերից մեկը՝ Ելենա Դոնեթսը, ով նաև Իսրայելի StartAU համալսարանի ձեռներեցության կենտրոնի գործադիր տնօրենն է:
Այս տարի ինովացիոնֆորումի թեմատիկ ուղղությունները կլինեն ինովացիոն էկոհամակարգերը, կրթության և ձեռներեցության ոլորտներում ինովացիոն խնդիրները:
ԻՏՁՄ գործադիր տնօրեն Կարեն Վարդանյանի խոսքով` միության միջոցառումները ուղղված են նրան, որպեսզի Հայաստանը ճանաչելի դառնա միջազգային շուկայում: ԻՏՁՄ-ն իր առջև դրված նպատակներին հասնելու համար բացի ինովացիոն ֆորումից ձեռնարկում է մի շարք այլ միջոցառումներ, մասնավորապես ՀՀ դպրոցներում ինժեներական և ռոբոտաշինական խմբկաների ներդրումը, «Ինչու՞ Հայաստան» կոնցեպտի կիրառումը և այլն: Հայաստանը ինժեներական լուծումների հսկայական ներուժ ունի, որը համապատասխան կերպով չի ներկայացվում շուկայում: Միջազգային գործարար շփումների ժամանակ հաճախ հնչող այն հարցին, թե ինչու՞ պետք է համագործակցել հատկապես հայկական ընկերությունների հետ, ԻՏՁՄ-ն հստակ պատասխանում է, որովհետև Հայաստանը կարող է տրամադրել անակնկալ ինժեներական լուծումներ, որոնք աչքի են ընկնում որակով, կրեատիվությամբ և ճկունությանբ:
Ինովացիոն ֆորումն ավանդաբար անցկացվում է Հայաստանի տեխնոլոգիական, կրթական և ձեռներեցության ոլորտների առաջատարների մասնակցությամբ։ Ֆորումին կմասնակցենհայաստանյան և արտերկրյա տեխնոլոգիական, կրթական և ինովացիոն այլ ոլորտների շուրջ 200 մասնակիցներ, ՀՀ կառավարության և միջազգայինկազմակերպություններիներկայացուցիչներ:
3-րդ տարին անընդմեջ անցկացվող Բիզնես ինովացիոն ֆորումն ավանդաբար իրականացվում է ԻՏՁՄ-ի կողմից՝ ՀՀ վարչապետի բարձր հովանու ներքո և մասնակցությամբ: Ֆորումի գլխավոր հովանավորն է BetConstruct ընկերությունը: