Եգիպտոսում խորհրդարանական ընտրություններն անցնում են առանց միջադեպերի
1 րոպեի ընթերցում
![Եգիպտոսում խորհրդարանական ընտրություններն անցնում են առանց միջադեպերի](http://armenpress.am/resized/480/static/news/b/2015/10/822638.jpg)
ԵՐԵՎԱՆ, 19 ՀՈԿՏԵՄԲԵՐԻ, ԱՐՄԵՆՊՐԵՍ: Եգիպտոսում հոկտեմբերի 19-ին արդեն երկրորդ օրն է շարունակվում են խորհրդարանական ընտրությունները: Ինչպես հաղորդում է«Արմենպրես»-ը, վկայակոչելով arabic.rt.com կայքը, ընտրություններն ընթանում են 27 նահանգներից 14-ում: Նախօրեին երկրի իշխանությունները տեղեկացրել են, որ ընտրություններն ընթացել են հանգիստ, առանց լուրջ միջադեպերի: Երկրի Ներքին գործերի նախարարությունն ապահովում է ընտրությունների ընթացքի անվտանգությունը:
Ընտրությունների առաջին օրն գրանցվել է քաղաքացիների մասնակցության բավական ցածր ցուցանիշ:
Եգիպտոսում հոկտեմբերի 18-ին մեկնարկել է խորհրդարանական ընտրությունների առաջին փուլը: Ընտրություններին մասնկացելու իրավունք ունեն շուրջ 27.5 միլիոն եգիպտացի: Խորհրդարանական ընտրությունների երկրորդ փուլը կանցկացվի նոյեմբերի 22-23-ը: