1 րոպեի ընթերցում
ԵՐԵՎԱՆ, 8 ՀՈԿՏԵՄԲԵՐԻ, ԱՐՄԵՆՊՐԵՍ: Գերմանիայի կանցլեր Անգելա Մերկելը կրկնել է իր դիրքորոշումն այն մասին, որ դեմ է Թուրքիայի՝ ԵՄ լիիրավ անդամ դառնալուն: Ինչպես հաղորդում է «Արմենպրես»-ը՝ վկայակոչելով ռուսական ՏԱՍՍ գործակալությունը, այս մասին Մերկելը հայտնել է ARD հեռուստաընկերության թոք-շոուի ժամանակ:
«Ես միշտ դեմ եմ եղել Թուրքիայի՝ Եվրամիության լիիրավ անդամ դառնալուն, և ես շարունակում եմ այս մտքին մնալ»,- ասել է Գերմանիայի առաջնորդը: Նա ընդգծել է, սակայն, որ անհրաժեշտ է պահպանել երկխոսությունը Թուրքիայի հետ միգրացիոն ճգնաժամը կարգավորելու նպատակով: «Բնական է, որ մենք ունենք մեկս մյուսի կարիքը»,- ասել է Մերկելը: