Հատուկ նախագծեր

«Նոր գիրք»-2/35. Փավստոս Բուզանդ, Արմեն Գրիգորյան, Հայոց պատմություն և կախարդական հեքիաթ

2 րոպեի ընթերցում

«Նոր գիրք»-2/35. Փավստոս Բուզանդ, Արմեն Գրիգորյան, Հայոց պատմություն և կախարդական հեքիաթ

ԵՐԵՎԱՆ, 5 ՀՈԿՏԵՄԲԵՐԻ, ԱՐՄԵՆՊՐԵՍ: «Արմենպրես» լրատվական գործակալությունը շարունակում է ներկայացնել «Նոր գիրք» նախագիծը: Այն տեղեկություններ է հաղորդում հայաստանյան հրատարակչությունների լույս ընծայած գեղարվեստական գրքերի մասին: Գործակալության էջերում ընթերցասերները հնարավորություն ունեն տեղեկատվություն ստանալ և ծանոթանալ դասական երկերին ու արդի գրականության զարգացման միտումներին: Մեր տարատեսակ ցանկերից ընտրեք գրքեր և սկսեք ընթերցել: Այս շաբաթ«Արմենպրես»-ը դարձյալ առանձնացրել է նոր հրատարակված երկու ուշագրավ գիրք` երկու խորագրի ներքո:

Հայ գրականություն

Փավստոս Բուզանդ, «Հայոց պատմություն»

«Էդիթ Պրինտ»-ի «Իմ գրադարանը» մատենաշարի գիրքը ներկայացնում է Փավստոս Բուզանդի «Հայոց պատմության» Ստ. Մալխասյանի աշխարհաբար թարգմանությունը` համաձայն 1987 թվականի հրատարակության տեքստի: Կատարվել են մասնակի փոփոխություններ` թարգմանությունը համապատասխանեցնելով ժամանակակից ուղղագրական կանոններին և քերականական նորմերին:

Մանկապատանեկան գրականություն

Արմեն Գրիգորյան, «Կանը և կախարդական բանալու գաղտնիքը»

Արմեն Գրիգորյանի «Կանը և կախարդական բանալու գաղտնիքը» յուրահատուկ հեքիաթ է` նկարազարդումներով լի: Նկարիչ` Աշոտ Գրիգորյան: Գիրքը հրատարակել է «Անտարես»-ը:

«Նոր գիրք»-ը ներկայացրեց Ռոզա Գրիգորյանը

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում