ԱՄՆ-ի պաշտպանության նախարարն Իրաքում քննարկել է ԻՊ-ի դեմ պայքարի վերաբերյալ հարցեր
2 րոպեի ընթերցում
![ԱՄՆ-ի պաշտպանության նախարարն Իրաքում քննարկել է ԻՊ-ի դեմ պայքարի վերաբերյալ հարցեր](http://armenpress.am/resized/480/static/news/b/2015/07/813216.jpg)
ԵՐԵՎԱՆ, 24 ՀՈՒԼԻՍԻ, ԱՐՄԵՆՊՐԵՍ: ԱՄՆ-ի պաշտպանության նախարար Էշտոն Քարտերը հուլիսի 24-ին ժամանել է Իրաքյան Քրդստանի մայրաքաղաք Արբիլ, որտեղ հանդիպել է Քրդստանի Նախագահ Մասուդ ալ Բարզանիի հետ: Ինչպես հաղորդում է «Արմենպրես»-ը, վկայակոչելով արաբական լրատվամիջոցները, Քարտերի և Բարզանիի միջև քննարկումն ընթացել է «Իսլամական պետության» դեմ պայքարում քրդական փեշմերգա ուժերի դերի, ինչպես նաև քրդական տարածքներում ռազմական գործողությունների վերաբերյալ:
Իրաքյան տեղեկատվական աղբյուրների համաձայն՝ ԱՄՆ-ի պաշտպանության նախարարը Բաղդադում հանդիպել է իրաքցի պաշտոնյաների հետ՝ քննարկելով ԻՊ-ի դեմ պայքարի հարցեր՝ մասնավորապես, Ռամադի քաղաքի վերաբերյալ, որը մայիսին հայտնվել է ահաբեկիչների ձեռքում: Նա հանդիպել է նաև Իրաքի վարչապետ Հեյդար ալ Աբադիի հետ: Հանդիպման ընթացքում Քարտերը հաստատել է ԱՄՆ-ի աջակցությունն Իրաքում կայունություն և անվտանգություն հաստատելու հարցում: Նաև քննարկվել է ռազմական համագործակցության ամրապնդման վերաբերյալ հարցեր երկու երկրների միջև:
Նախօերին նաև հանդիպում է կայացել Իրաքի պաշտպանության նախարար Խալիդ ալ Աբադիի հետ:
ԱՄՆ-ի պաշտպանության նախարար Էշտոն Քարտերն անսպասելի այցով ժամանել է Իրաք: Նա Բաղդադ է մեկնել Սաուդյան Արաբիայում բանակցություններն ավարտելուց հետո:
ԱՄՆ-ն ԻՊ-ի դեմ Իրաքում պայքար սկսել է օգոստոսի 8-ից: