1 րոպեի ընթերցում
ԼԱՍ ՎԵԳԱՍ, 14 ՀՈՒԼԻՍԻ, ԱՐՄԵՆՊՐԵՍ: Լաս Վեգասում Հայաստանի պատվո հյուպատոս Էնդի Արմենյանը մասնակցել է քաղաքի շերիֆ Ջո Լամբարդոյի հրավիրած քննարկմանը` նվիրված զվարճանքների քաղաքում անվտանգության ապահովմանն ու զբոսաշրջության հետ կապված հարցերին:
Ինչպես հաղորդում է «Արմենպրես»-ը՝ վկայակոչելով Armenialife-ը, հանդիպմանը մասնակցել են Լաս Վեգասում գործունեություն իրականացնող մի շարք երկրների պատվո հյուպատոսներ:
Հանդիպմանը շերիֆ Լոմբարդոն եւ հյուպատոս Արմենյանը խոսել են քաղաքում հայերի ներկայութան մասին եւ շեշտել, որ տարեկան 250000-300000 հայ զբոսաշրջիկներ են այցելում Լաս Վեգաս: Շերիֆը նշել է, որ կան միջազգային մի շարք ուղղություններ, որոնք նախատեսում են ուղիղ չվերթներ իրականացնել դեպի Լաս Վեգաս առաջիկա 12 ամսվա ընթացքում:
Նախատեսվում է, որ 2020թ. արտասահմանցի զբոսաշրջիկների թիվը Լաս Վեգասում կավելանա 30 տոկոսով: Այս առումով ավելանում է համապատասխան դեսպանատների աշխատանքը, որոնք պետք է կարողանան համակարգել զբոսաշրջիկների հետ կապված փաստաթղթային հարցերը: