Սերժ Սարգսյանը ստորագրել է մի շարք օրենքներ
1 րոպեի ընթերցում
![Սերժ Սարգսյանը ստորագրել է մի շարք օրենքներ](http://armenpress.am/resized/480/static/news/b/2015/07/812107.jpg)
ԵՐԵՎԱՆ, 14 ՀՈւԼԻՍԻ, ԱՐՄԵՆՊՐԵՍ: Նախագահ Սերժ Սարգսյանն այսօր՝ հուլիսի 14-ին, ստորագրել է Ազգային ժողովի ընդունած մի շարք օրենքներ: Ինչպես «Արմենպրես»-ին տեղեկացրին ՀՀ նախագահի աշխատակազմի հասարակայնության և տեղեկատվության միջոցների հետ կապերի վարչությունից, Նախագահն ստորագրել է «ՀՀ քաղաքացիական օրենսգրքում լրացումներ և փոփոխություններ կատարելու մասին», «Գույքի նկատմամբ իրավունքների պետական գրանցման մասին» ՀՀ օրենքում լրացումներ և փոփոխություններ կատարելու մասին, «Քաղաքաշինության մասին» ՀՀ օրենքում լրացումներ և փոփոխություն կատարելու մասին, «Սնանկության մասին» ՀՀ օրենքում լրացում կատարելու մասին, «Դատական ակտերի հարկադիր կատարման մասին» ՀՀ օրենքում լրացում կատարելու մասին, «Տեղական ինքնակառավարման մասին» ՀՀ օրենքում փոփոխություն և լրացում կատարելու մասին, «Երևան քաղաքում տեղական ինքնակառավարման մասին» ՀՀ օրենքում լրացում կատարելու մասին, «Տեղական տուրքերի և վճարների մասին» ՀՀ օրենքում փոփոխություն կատարելու մասին ՀՀ օրենքները: