1 րոպեի ընթերցում
ԿԻԵՎ, 8 ՀՈՒԼԻՍԻ, ԱՐՄԵՆՊՐԵՍ: Կիեւում հայկական եկեղեցու կառուցման հարցը եղել է Ուկրաինայի հայերի միության հրավիրած կոնֆերանսի օրակարգում: Ինչպես հաղորդում է «Արմենպրես»-ը՝ վկայակոչելով «Անալիտիկա»-ն, քննարկմանը ներկայացվել են եկեղեցու կառուցման նախագիծն ու շինարարական աշխատանքի ընթացքը:
Պարբերականը շեշտում է, որ իրականացվել է հսկայական աշխատանք շինարարության համար: Եկեղեցու շինարարության համար օգտագործվում է հազվագյուտ երանգով տուֆ, որը բերվում է Հայաստանից:
Եկեղեցու շինարարության մասին որոշում կայացվել էր 2012 թվականին, սակայն շինարարական աշխատանքները սկսվել են ավելի ուշ՝ մի շարք չնախատեսված հարցեր կարգավորելուց հետո: