Բանկերը մեկ շաբաթում տեղաբաշխել են 29.9 մլրդ դրամ և 37.4 մլն դոլար

ԵՐԵՎԱՆ, 3 ՀՈՒԼԻՍԻ, ԱՐՄԵՆՊՐԵՍ: Արտարժույթի ներբանկային շուկայում հունիսի29-իցհուլիսի 3-ը բանկերի կողմից գնվել է82 մլն 29 հազար 251դոլար՝ 472.07 դրամ մեկ դոլարի դիմաց միջին փոխարժեքով, եւ վաճառվել՝ 88 մլն 645 հազար 614 դոլար՝ 473.32դրամ ԱՄՆ մեկ դոլարի դիմաց միջին փոխարժեքով:

«Նասդաք Արմենիա» ԲԲԸ-ում նշված ժամանակահատվածում գնվել եւ վաճառվել է 9 մլն 680 հազար ԱՄՆ դոլար՝ 472.02 դրամ մեկ դոլարի դիմաց միջին փոխարժեքով:

Ինչպես «Արմենպրես»-ին տեղեկացրին ԿԲ հասարակայնության հետ կապերի ծառայությունից, միջբանկային շուկայում իրականացվել է 1 մլն 450 հազար դոլարի առք եւ վաճառք՝ 473,35 դրամ մեկ ԱՄՆ դոլարի դիմաց միջին փոխարժեքով:

Արտարժույթի ներբանկային շուկայում բանկերի կողմից գնվել է 8 մլն 204 հազար 481եվրո՝ 523,44դրամ մեկ եվրոյի դիմաց միջին փոխարժեքով, եւ վաճառվել՝ 15 մլն 116 հազար 949եվրո 528,38դրամ՝ մեկ եվրոյի դիմաց միջին փոխարժեքով:

Արտարժույթի ներբանկային շուկայում բանկերի կողմից գնվել է 1 մլրդ 89 մլն 901 հազար 410 ռուբլի՝ 8,45դրամ մեկ ռուբլու դիմաց միջին փոխարժեքով, եւ վաճառվել՝ 238 մլն 613 հազար 435 ռուբլի՝ 8.61դրամ մեկ ռուբլու դիմաց միջին փոխարժեքով:

Հունիսի 22-28-նընկած ժամանակահատվածում բանկերի կողմից դրամով տեղաբաշխված միջոցների ծավալը կազմել է 29.9 մլրդ դրամ, իսկ ԱՄՆ դոլարով տեղաբաշխված միջոցների ծավալը՝ 37.4 մլն ԱՄՆ դոլար: