1 րոպեի ընթերցում
ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ: Չինացի գիտնականները հայտարարել են հատուկ ախտորոշիչ ռեակտիվի մշակման մասին, որը թույլ Է տալիս MERS կորոնավիրուսի առկայությունը որոշելու թեստն անցկացնել 15 րոպեի ընթացքում: Այդ մասին, ինչպես տեղեկացնում Է «Արմենպրես»-ը, հունիսի 19-ին հաղորդել Է «Սինհուա» գործակալությունը:
Այս ռեակտիվի մշակման բնագավառում հետազոտություններն սկսվել են դեռ 2014 թվականի վերջին. դրանց մասնակցել են Հոնկոնգի եւ Սյամինի համալսարանների գիտնականները, Ռեակտիվն օգտագործվելու Է Չինաստանի տարածքում՝ հիվանդացածներին հայտնաբերելու համար այն դեպքում, եթե երկրում տեղի ունենա կորոնավիրուսի բռնկում:
Նոր ռեակտիվն ավելի արդյունավետ Է. նշվում Է, որ մեկ մասնագետը կարող Է օրական ավելի քան հազար թեստ անցկացնել: