2 րոպեի ընթերցում
ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ: Կալիֆոռնիական Apple ընկերությունն իր Apple Watch ինտերակտիվ «խելացի» ժամացույցների երկրորդ սերնդի մշակում Է իրականացնում: Այդ մասին, ինչպես տեղեկացնում Է «Արմենպրես»-ը, հաղորդել են ամերիկյան լրատվամիջոցները:
«Բազմաթիվ աղբյուրներ հաղորդում են, որ Apple-ը պլանավորում Է ժամացույցների նոր տարբերակի վրա տեղակայել տեսախցիկ,-նշել Է CNBC հեռուստաալիքը:-Բացի այդ, ժամացույցները կստանան iPhone-ի հետ նոր եւ բարելավված կապի համակարգ: Կմեծանա մարտկոցի հզորությունը, ինչը կավելացնի նրա աշխատանքի տեւողությունը»:
Apple Watch 2 ժամացույցները ձեռք կբերեն նաեւ մի շարք նոր գործառույթներ, ինչը կմեծացնի նրանց ինքնուրույնությունը:
Միաժամանակ հայտնի Է դարձել, որ Apple-ը կընդլայնի լյուքս դասի ժամացույցների տարատեսակների թվաքանակը: Սա կապված Է այն բանի հետ, որ անցած ապրիլին բարձրացել Է ոսկե եւ պլատինե կորպուսով թողարկված «խելացի» ժամացույցների պահանջարկը:
Մասնագետների խոսքով՝ խոստումնալից Է 1000-ից մինչեւ 10 հազար դոլար գների սեկտորը:
Սպասվում Է, որ Apple Watch-ի երկրորդ սերունդը խանութներում կհայտնվի 2016 թվականին:
Ինչպես նշում Է ՏԱՍՍ գործակալությունը, չեն մոռացվել նաեւ նրանք, ովքեր արդեն ձեռք են բերել «խելացի» ժամացույցների առաջին տարբերակը: Առաջիկա աշնանը նրանք կկարողանան դրանց վրա տեղադրել բարելավված watchOS 2.0 գործառնական համակարգը:
Լուսանկարը` AP