1 րոպեի ընթերցում
ԵՐԵՎԱՆ, 17 ՀՈՒՆԻՍԻ, ԱՐՄԵՆՊՐԵՍ: Ճապոնացի գիտնականները մշակել են մի տեխնոլոգիա, որը թույլ Է տալիս արյան մեկ կաթիլով երեք րոպեում հայտնաբերել ուռուցքաբանական հիվանդությունը վաղ փուլում, տեղեկացնում Է «Արմենպրես»-ը:
«Տեխնոլոգիան թույլ Է տալիս ընդամենը մեկ կաթիլ արյամբ որոշել չարորակ ուռուցքի առկայությունը, ինչպես նաեւ վաղ փուլում հայտնաբերել ստամոքսի, հաստ աղու եւ ենթաստամոքսային գեղձի քաղցկեղն ընդամենը երեք րոպեում: Նման տեխնոլոգիա աշխարհում այլեւս ոչ մի տեղ չկա»,- ՌԻԱ Նովոստիին հայտնել Է MYTECH ընկերության գիտական աշխատակից Կացույուկի Հասեգավան, ընկերություն, որը Սյովա համալսարանին կից Տոյոսյու հիվանդանոցի հետ համատեղ ստեղծել Է նոր տեխնոլոգիան:
Ընկերությունը մշակել Է հատուկ բաղադրության մետաղից թիթեղ: Չարորակ ուռուցքով հիվանդի՝ թիթեղի վրա զետեղված արյան կաթիլն ուլտրամանուշակագույն եւ այլ տեսակի ճառագայթումներով մշակման ժամանակ սկսում Է լուսարձակել, իսկ բարորակ ուռուցքով մարդու արյունը լույս չի ճառագայթում:
«Սա աշխարհում բացարձակ նոր նվաճում Է: Այս եղանակը պարզ Է կիրառման մեջ եւ այն կարելի Է ցանկացած հիվանդանոցում սկսել օգտագործել թեկուզ վաղը»,- ասել Է Հասեգավան: