1 րոպեի ընթերցում
ԵՐԵՎԱՆ, 16 ՀՈՒՆԻՍԻ, ԱՐՄԵՆՊՐԵՍ: Airbus եվրոպական ավիակոնցեռնի ներկայացուցիչները հայտնել են մասնավոր OneWeb Ltd ընկերության համար 900 արբանյակ նախագծելու եւ կառուցելու պլանների մասին, որոնք կկարողանան միլիարդավոր մարդկանց ապահովել Համացանցից օգտվելու հնարավորությունը: Գործարկումները նշանակված են 2018 թվականի սկզբին, տեղեկացնում Է «Արմենպրես»-ը:
«OneWeb արբանյակները կարտադրվեն մեծ քանակությամբ, դրանցից յուրաքանչյուրը կկշռի մինչեւ 150 կիլոգրամ: Ամբողջ ցանցի գործարկումից հետո համակարգը կկարողանա ամբողջ աշխարհի գյուղական շրջանների համար տվյալների փոխանցման արագությունն ապահովել վայրկյանում 10 տերաբիթ մակարդակի վրա»,-ասված Է ընկերության հայտարարության մեջ: Նրա հիմնադիր եւ կառավարիչ Գրեգ Ուայլերի խոսքով՝ ամբողջ նախագծի արժեքը գնահատվում Է 1,5-2 միլիարդ դոլար:
Առաջին խմբաքանակը՝ թվով 10 արբանյակներ, կկառուցվեն Ֆրանսիայի Թուլուզ քաղաքում, որտեղ եւ կտեղակայվեն Airbus-ի արտադրական հզորությունները: Այնուհետեւ հավաքումը կսկսվի նաեւ ԱՄՆ-ում: Սարքերի արձակման համար կընտրվեն այն ընկերությունները, որոնք մասնագիտացած են փոքր բեռնատար տիեզերանավերի ստեղծման բնագավառում, հաղորդել Է ՏԱՍՍ գործակալությունը:
Լուսանկարը` Reuters