1 րոպեի ընթերցում
ԵՐԵՎԱՆ, 15 ՀՈՒՆԻՍԻ, ԱՐՄԵՆՊՐԵՍ: Ամերիկյան հեռուստաշոուի աստղ Քիմ Քարդաշյանն արձագանքել է իր ապագա երեխայի անվան շուրջ տարածված ասեկոսեներին: Ինչպես տեղեկացնում է «Արմենպրես»-ը՝ վկայակոչելով justjared.com կայքը, նա ընդգծել է, որ իրեն դուր չի գալիս Սաութ Ուեսթ անունը:
«Նորթ անունն ավելի լավ ուղղություն ունի: Ես այսպես չեմ անի: Ես չեմ կարծում, որ մենք հակառակ ուղղությամբ կգնանք: Բոլորն ամենուր տարածում են, որ երեխայի անունը Սաութ է լինելու, և ես կարծում եմ, որ դա հիմար միտք է։ Ամենահիմար բանը երբևէ՝ և պարզապես անհեթեթ»,- նշել է նա:
Քիմը նաև պատասխանել է երեխայի սեռին առնչվող հարցերին: «Երեխայի սեռը նույնպես դեռ ոչ մեկին չենք ասել։ Ես լսել եմ, որ երկվորյակ որդիներ ենք ունենալու: Լսել եմ, որ երեխան իմը չէ։ Ես շատ բան եմ լսել, և այդ տեղեկությունների մեծ մասը ճիշտ չէ»,- ասել է Քիմ Քարդաշյանը։
Նրա առաջին երեխայի անունը Նորթ Ուեսթ է: Նորթ նշանակում է հյուսիս, Ուեսթ՝ արևմուտք: Սաութ Ուեսթի դեպքում թարգմանությունը հետևյալն է՝ Սաութ նշանակում է հարավ, Ուեսթ՝ արևմուտք: