1 րոպեի ընթերցում
ԵՐԵՎԱՆ, 12 ՀՈՒՆԻՍԻ, ԱՐՄԵՆՊՐԵՍ: Ճապոնացի ֆերմեր Կոյի Նակաոն աճեցրել է 250 գրամ կշռող ելակ:
Ինչպես հաղորդում է «Արմենպրես»-ը` վկայակոչելով միջազգային լրատվամիջոցները, հատապտուղը գրանցվել է Գինեսի ռեկորդների գրքում որպես աշխարհի ամենախոշոր ելակը:
Ֆերմերի խոսքով՝ հսկայական ելակի գաղտնիքը կայանում է նրանում, որ ցրտերի պատճառով հատապտղի մի քանի տեսակներ սերտաճել են և ձևավորվել է մեկ հսկայական հատապտուղ: Նա որոշել է չվաճառել ռեկորդակիր ելակը և այն ուտել ընտանիքի հետ:
Պտուղն ունի 8 սանտիմետր բարձրություն, 12 սմ երկարություն:
Ցուցանիշը գերազանցել է նախորդ ռեկորդը, որը պահպանվել է 32 տարի: Նախորդ ռեկորդը գրանցվել էր Մեծ Բրիտանիայում 1983-ին և կշռել է 231 գրամ:
