1 րոպեի ընթերցում
ԵՐԵՎԱՆ, 11 ՀՈՒՆԻՍԻ, ԱՐՄԵՆՊՐԵՍ: Նորվեգացի գիտնականներն առաջին անգամ տեսել են, թե ինչպես են սպիտակ արջերը խժռում չափազանց հեռու դեպի հյուսիս լողացած սպիտակադունչ դելֆիններին, իսկ այնուհետեւ չկերած միսը դնում բնական սառնարանը: Այս մասին, ինչպես տեղեկացնում Է «Արմենպրես»-ը, հաղորդել Է New Scientist հրատարակությունը՝ վկայակոչելով Polar Research հանդեսը:
Յոնս Աարսը՝ Նորվեգիայի բեւեռային ինստիտուտից, նման վարվելակերպի առաջին դեպքին հանդիպել Է 2014 թվականի ապրիլին Շպիցբերգեն կղզում: Արջի մոտ գիտնականը հայտնաբերել Է սպիտակամռութ դելֆինների երկու մսեղիք. ավելի վաղ այդ կենդանիների նկատմամբ սպիտակ արջերի հետաքրքրության մասին ոչ ոք չգիտեր: Աարսի կարծիքով՝ գիշատիչը դելֆիններին բռնել Է, երբ դրանք սառցի տակից դուրս են լողացել սառանցք՝ օդ շնչելու (այս կերպ արջերը որսում են փոկերին):
Գիտնականի գալու պահին կենդանին արդեն կերել Էր առաջին դելֆինի մսեղիքը, իսկ երկրորդը որոշել Էր պահել ձյան մեջ: Բնական սառնարանն օգնում Է միսը պահպանել նեխումից. բայց սպիտակ արջերին սովորաբար բնորոշ չԷ սննդի մնացորդներ պահելը: