1 րոպեի ընթերցում
ԵՐԵՎԱՆ, 10 ՀՈՒՆԻՍԻ, ԱՐՄԵՆՊՐԵՍ: Բրիտանացի ոսկերիչ եւ Gemporia առեւտրանիշի հիմնադիր Սթիվ Բենետն ստեղծել Է նշանի մատանիներ՝ հանդերձված GPS-համակարգով: Այս մասին, ինչպես տեղեկացնում Է «Արմենպրես»-ը, հաղորդել Է The Daily Mail-ը: Զարդերն ստացել են «հավատամության մատանիներ» անվանումը:
Դիզայների մտահղացմամբ՝ զարդերում ներսարքված փոքրաչափ չիպերի նպատակը կդառնա պաշտպանությունն արժեքավոր իրի գողությունից կամ կորստից: Սակայն նորույթի հեղինակը հնարավոր Է համարել, որ մատանիները պահանջարկ կվայելեն նաեւ խանդոտ ամուսինների շրջանում, որոնք կցանկանան մշտապես իմանալ իրենց կեսի գտնվելու վայրը:
Դիզայները հայտնել Է, որ պլանավորում Է հետագայում Էլ պատրաստել ոսկերչական իրեր՝ հսկման համակարգով: Բենետի մոտակա պլաններում մանկական զարդերի թողարկումն Է, որպեսզի ծնողները կարողանան չանհանգստանալ, թե որտեղ են գտնվում իրենց զավակները: