1 րոպեի ընթերցում
ԵՐԵՎԱՆ, 9 ՀՈՒՆԻՍԻ, ԱՐՄԵՆՊՐԵՍ: Գիտնականները Մարսի վրա ապակու հանքակուտակներ են հայտնաբերել հնագույն հարվածական խառնարաններում, դա թույլ Է տալիս ուսումնասիրել, թե ինչպիսին Է եղել կարմիր մոլորակն անցյալում եւ, հնարավոր Է՝ ստանալ հնում մոլորակի վրա կյանք եղել Է արդյոք հարցի պատասխանը: Այդ մասին, ինչպես տեղեկացնում Է «Արմենպրես»-ը, գրում են գիտնականները Journal Geology-ում հրապարակված հոդվածում:
Ապակիացած վիթխարի տարածություններ են գրանցվել NASA-ի Mars Reconnaissance Orbiter տիեզերական ապարատի միջոցով Մարսի դիտարկումների ընթացքում: Ապակու նման հաքակուտակներ գոյանում են մոլորակի վրա խոշոր երկնային մարմինների անկման հետեւանքով, որոնց հետ բախվելիս առաջանում Է վիթխարի քանակությամբ Էներգիա, եւ բախման վայրում գետինը բառացիորեն հալվում Է:
«Այդ գոտիները (որտեղ հայտնաբերվել Է ապակին – խմբ.) կարող են լինել մեր ապագա հետազոտությունների թիրախները»,- ասել Է NASA-ի մոլորակների ուսումնասիրման ստորաբաժանման ղեկավար Ջիմ Գրինը, հաղորդել Է ՌԻԱ Նովոստին: