2 րոպեի ընթերցում
ԵՐԵՎԱՆ, 5 ՀՈՒՆԻՍԻ, ԱՐՄԵՆՊՐԵՍ: Նյու-Յորքցի սանտեխնիկ Էնթոնի Փերոսին 136 մլն դոլար Է շահել Powerball վիճակախաղով: Ինչպես հաղորդում Է «Արմենպրես»-ը՝ հղում անելովThe New York Times թերթին, տղամարդը մի ամբողջ ամիս նույնիսկ չԷր Էլ ենթադրում, որ դրամական խոշոր գումարի տեր Է դարձել:
Փերոսին իր տոմսը գնել Էր մարտի սկզբին 7-Eleven մինիմարկետում, որը գտնվում Է Սթեյթեն Այլենդի Փեյջ փողոցի վրա: Մարտի 14-ին նա խորտկարանում լսում Է, որ շահել Է այն քարտը, որը վաճառվել Էր հենց այդ խանութում: Սակայն սրճարանի այցելուներից մեկը հայտարարում Է, թե շահողը ոմն ուսուցչուհի Է, եւ Փերոսին չի Էլ ստուգում իր տոմսը:
Ապրիլի 27-ին սանտեխնիկն, այնուամենայնիվ, որոշում Է իմանալ վիճակախաղի շահող թվերը, երբ նրան փող Է անհրաժեշտ լինում բեռնատարի նորոգման համար: Համացանցում ստուգելով խաղարկման տվյալները, տղամարդը հայտնաբերում Է, որ ինքն Է շահել ջեքփոթը:
Փերոսին որոշել Է իր շահումը կիսել որդու հետ եւ նրան Է տվել գումարի 30 տոկոսը: Բոլոր հարկերը վճարելուց հետո Փերոսի Ավագն ստացել Է 38 մլն 612 հազար 55 դոլար, նրա որդուն բաժին Է հասել 16 մլն 548 հազար 23 դոլար:
Սանտեխնիկը պատմել Է, որ պատրաստվում Է փողերի մի մասը ծախսել նոր բեռնատարի վրա, ինչպես նաեւ ճամփորդության մեկնել Նյու Յորքի նահանգ:
Լուսանկարը` AP