1 րոպեի ընթերցում
ԵՐԵՎԱՆ, 3 ՀՈՒՆԻՍԻ, ԱՐՄԵՆՊՐԵՍ: Եգիպտոսում հայտնաբերել են ամենախոշոր հին կետի՝ բազիլոզավրի կմախք: Ինչպես տեղեկացնում Է «Արմենպրես»-ը՝ հղում անելով երկրի շրջակա միջավայրի պահպանության նախարարությանը, կմախքը հայտնաբերվել Է Էլ Ֆայումի նահանգի Կետերի հովտում (Վադի ալ Խիթան) հնԷաբանական հետազոտությունների ժամանակ:
Ըստ գերատեսչության տեղեկատվության՝ 45 – 36 միլիոն տարի առաջ ապրած կետի երկարությունը կազմել Է 18 մետր:
Այդ կետը, որը մի ժամանակ ապրել Է մոլորակի համարյա բոլոր տաք ծովերում, համարվում Է իր ժամանակի գրեթե ամենամեծ գիշատիչը: Կենդանիների մարմինները եղել են զգալիորեն ավելի ձիգ ու նեղ, քան ժամանակակից ցանկացած կետինը:
Ինչպես նշում Է ՏԱՍՍ-ը, հետաքրքրական առանձնահատկություն Է բազիլոզավրերի մոտ թերաճ հետին ոտքերի առկայությունը: