2 րոպեի ընթերցում
ԵՐԵՎԱՆ, 2 ՀՈՒՆԻՍԻ, ԱՐՄԵՆՊՐԵՍ: Հոլիվուդյան դերասաններ Ումա Թուրմանի եւ Իթան Հոուքի դուստրը՝ Մայան, առաջին անգամ հասարակական միջոցառման Է մասնակցել առանց ծնողների ուղեկցության, հաղորդում Է «Արմենպրես»-ը՝ հղում անելով People-ին: 16-ամյա աղջկա աշխարհիկ դեբյուտը տեղի Է ունեցել Նյու Յորքում՝ նորաձեւության ինդուստրիայում ունեցած ձեռքբերումների համար CFDA Awards մրցանակների հանձնման արարությանը:
Մայան կարմիր ուղեգորգի վրա հայտնվել Է ամերիկացի դիզայներ Զաք Փոզենի ուղեկցությամբ: Միջոցառումից հետո մոդելյորն Instagram-ի իր ակաունտում զետեղել Է աղջկա մի քանի լուսանկարներ:
Մայան առաջին անգամ հանրության առջեւ հայտնվելու համար ընտրել Էր Zac Posen ապրանքանիշի երկար զգեստ: Ինչպես գրում Է People-ը, արարողությանը ներկա գտնվողներից շատերը նշել են Մայայի եւ երիտասարդության շրջանում ՈՒմա Թուրմանի արտաքին նմանությունը:
45-ամյա Ումա Թուրմանը հայտնի Է հատկապես Քվենտին Տարանտինոյի «Քրեական գիրք» եւ «Սպանել Բիլլին» ֆիլմերում խաղացած դերերի շնորհիվ: 1998-2005 թվականներին ամուսնացած Է եղել դերասան Իթան Հոուքի հետ. այդ ամուսնությունից Թուրմանն ունեցել Է երկու երեխա՝ դստերը՝ Մայային եւ որդուն՝ Լեւոնին:
44-ամյա Իթան Հոուքը բազմաթիվ պարգեւների Է արժանացել ինչպես սցենարների, այնպես Էլ դերասանական աշխատանքների, մասնավորապես, «Մարզման օր» եւ «Պատանեկություն» կինոնկարներում խաղացած հանգուցային դերերի համար: