1 րոպեի ընթերցում
ԵՐԵՎԱՆ, 2 ՀՈՒՆԻՍԻ, ԱՐՄԵՆՊՐԵՍ: Մեծ Բրիտանիայի բնակիչ Ջոն Բրուկերը 13 տարի է ծախսել` տան շուրջը գտնվող հարթ կանաչ թփերից վիշապի տեսք ստանալու համար:
Ինչպես հաղորդում է «Արմենպրես»-ը` վկայակոչելով միջազգային լրատվամիջոցները, նրան ձանձրացրել է անընդհատ նայել տան շուրջը գտնվող կանաչ թփերին և որոշել է արտասովոր դարձնել դրանք:
Հեքիաթային կանաչ վիշապի երկարությունը կազմում է 45,7 մետր: Այն աճում է բավական արագ և բոլոր կողմերից: Ուստի Ջոն Բրուկերը պարբերաբար կտրում է ավելորդ ճյուղերը և տերևները` պահպանելով «վիշապին»:
Համացանցում տարածվել են հսկայական վիշապի լուսանկարները: