1 րոպեի ընթերցում
ԵՐԵՎԱՆ, 2 ՀՈՒՆԻՍԻ, ԱՐՄԵՆՊՐԵՍ: Կուզյա ամուրյան վագրը, որին անցյալ տարի ազատ արձակեց Վլադիմիր Պուտինը, դարձել Է «Պուտինյան վագրի հետքերով» ֆիլմի գլխավոր հերոսը, որը նկարահանել են ավստրալացի կինեմատոգրաֆիստները: Այս մասին հայտնել Է «Ֆենիքս» բնապահպանական հիմնադրամի տնօրեն Սերգեյ Բերեզնյուկը, որի խոսքը հունիսի 2-ին մեջբերել Է ՏԱՍՍ-ը, տեղեկացնում Է «Արմենպրես»-ը:
Ֆիլմի սյուժեի հիմքում Կուզյայի ճանապարհորդությունն Է Չինաստանում եւ տեղացի բնակիչների վերաբերմունքը նման «հյուրերի» նկատմամբ: Վագրի ձագը 2014 թվականի աշնանը լողալով անցել Է Ամուրը եւ ճանապարհորդության գնացել Ընդերկնյայի տարածքով: Սակայն, այնտեղ նրան դուր չի եկել եւ արդեն այս տարի նա վերադարձել Է Ռուսաստան: Կենսաբանները նշել են, որ երիտասարդ գիշատիչը թափառական բնավորություն ունի: