2 րոպեի ընթերցում
ԵՐԵՎԱՆ, 26 ՄԱՅԻՍԻ, ԱՐՄԵՆՊՐԵՍ: Իտալիայի Գորիցիա քաղաքում մայիսի 23-ին անցկացվել է Հայոց ցեղասպանության 100-րդ տարելիցին նվիրված գիտաժողով, որը կազմակերպել էին «eStoria» մշակութային ասոցիացիան և Գորիցիայի համալսարանի միջազգային հարաբերությունների ֆակուլտետը:Ինչպես «Արմենպրես»-ին տեղեկացրին ՀՀ արտգործնախարարության մամուլի, տեղեկատվության և հասարակայնության հետ կապի վարչությունից, գիտաժողովի բանախոսներն են եղել Իտալիայում Հայաստանի դեսպան Սարգիս Ղազարյանը, Պադովայի համալսարանի պրոֆեսոր, հայտնի գրող Անտոնիա Արսլանը, Ցեղասպանագետների միջազգային ասոցիացիայի նախագահ, Սիենայի համալսարանի պրոֆեսոր Մարչելո Ֆլորեսը: Այն վարել է «Corriere della Sera» օրաթերթի հեղինակավոր լրագրող Անտոնիո Կարիոտին:
Բանախոսները հանգամանալից ներկայացրել են Հայոց ցեղասպանության պատմությունն ու հետևանքները, Թուրքիայի ներկայիս ժխտողական քաղաքականությունը և միջազգային հանրության անդրադարձները:
Կլոր սեղանի ավարտին ամփոփիչ խոսքով ելույթ է ունեցել Ֆրիուլի-Վենեցիա-Ջիուլիա նահանգի մշակույթի նախարար Ջիաննի Տորենտին, ով ընդգծել է իտալական հասարակայնության լայն շրջանակներին, հատկապես, երկիտասարդությանը, Հայոց ցեղասպանության մասին իրազեկելու կարևորությունը:
Գիտաժողովի ավարտից հետո բանախոսները Հայոց ցեղասպանության թեմայով հարցազրույցեն տվել RAI ռադիոընկերությանը: