1 րոպեի ընթերցում
ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ: Անգլիայի Էսեքսի կոմսության Դագենեմ քաղաքի բնակիչ Ջեյսոն Բրինքլեթին հիվանդանոց են տեղափոխել այն բանից հետո, երբ նա Գինեսի ռեկորդ Է սահմանել՝ կատարելով պատմության մեջ թմբուկի ամենաերկար մանրահարվածները: Ինչպես հաղորդում Է «Արմենպրես»-ը՝ հղում անելով The Daily Mirror-ին, 44-ամյա տղամարդը հարվածային գործիքով նվագել Է 12 ժամ, հինգ րոպե եւ հինգ վայրկյան:
Ռեկորդ սահմանելուց անմիջապես հետո Բրինքլեթը հայտարարել Է որ չի զգում իր դաստակները: Բժիշկները նրա մոտ ախտորոշել են ձեռքի վնասվածք: Ավելի ուշ ռեկորդակիրը պատմել Է, որ ցավն զգացել Է թմբուկներով նվագել սկսելուց ութ ժամ հետո, սակայն որոշել Է չընկրկել:
Թմբուկի մանրահարվածների տեւողության նախորդ ռեկորդը 2013 թվականին սահմանել Է ֆիլիպինցի Ջասթին Դանիել Արդեն: Նրա արդյունքը կազմել Է 12 ժամ եւ երեք վայրկյան: