1 րոպեի ընթերցում
ԵՐԵՎԱՆ, 8 ՄԱՅԻՍԻ, ԱՐՄԵՆՊՐԵՍ: Գիգլզ անունով խոզը դարձել է ԱՄՆ-ի Միչիգան նահանգի Ֆլինտ քաղաքի քաղաքապետի պաշտոնական թեկանծու: Այս մասին գրում է Detroit Sun Times-ը: Թեկնածությունն առաջադրվել է տեղի իրավաբան Մայքլ Յունիգի ջանքերի շնորհիվ:
«Արմենպրես»-ի փոխանցմամբ, իրավաբանը պարզաբանել է, որ նման բան որոշվել է այն բանից հետո, երբ նախկինում սպանության համար դատապարտված քաղաքային խորհրդի անդամներից մեկը հայտարարել է քաղաքապետի պաշտոնում իր թեկնածությունն առաջադրելու մասին: Իրավաբանի խոսքով, նման թեկնածուն վատ ազդանշան կլինի Ֆլինտի համար:
Նա նաև քննադատել է մեկ այլ թեկնածուի, ով դատապարտվել է ոչ սթափ վիճակում մեքենա վարելու համար:
«Երբ ես կարդում էի այս մարդկանց մասին, մտածեցի, որ Գիգլզն ավելի արժանի թեկնածու կլինի: Եվ ես ճշմարտացի եմ», - նշել է իրավաբանը:
Յունիգն իր ֆեյսբուքյան էջում նշել է, որ Գիգլզը երբեք մարդ չի սպանել և քաղաքացիներին վտանգի չի ենթարկել՝ խմած երթևեկելով: Նա սիրալիր և խելացի կենդանի է, սա ավելին է, քան կարելի է ասել որոշ այլ թեկնածուների մասին:
