2 րոպեի ընթերցում
ԵՐԵՎԱՆ, 6 ՄԱՅԻՍԻ, ԱՐՄԵՆՊՐԵՍ: Մեծ Բրիտանիայի բնակիչների համար Համացանցից օգտվելու հնարավորությունը շուտով կարող Է սահմանափակվել, իսկ օգտատերերի որոշ կատեգորիաների համար՝ բաժնորոշվել կամ փակվել: Գլոբալ ցանցի ապագան, ինչպես հաղորդել Է The Telegraph-ը, կքննարկի Թագավորական ընկերությունը (գիտական կենտրոն, որը կատարում Է գիտությունների ազգային ակադեմիայի գործառույթները), տեղեկացնում Է «Արմենպրես»-ը:
Հիմնախնդիրներից մեկը, որը պլանավորում են հնչեցնել հանդիպման մասնակիցները, կապի կազմակերպման համար օգտագործվող մայրագծերի եւ ռոուտերների թողունակությունն Է: Որոշ տեղամասերում սարքավորանքի ուժերն այլեւս չեն պատում, իսկ օգտատերերի պահանջերն ու ցանկությունները շարունակում են աճել: Մասնագետները պնդում են, որ եթե Համացանցը շարունակի աճել ներկայիս տեմպերով եւ եթե չհայտնվեն տվյալների հաղորդման սկզբունքորեն նոր տեխնոլոգիաներ, ապա արդեն տասը տարի հետո ստիպված կլինեն առնվազն կրկնօրինակել գոյություն ունեցող ենթակառուցվածքը: Դա անխուսափելիորեն կհանգեցնի ցանց մուտքի զգալի թանկացման:
Բայց աշխարհի հնագույն գիտական ընկերություններից մեկի անդամներին շատ ավելի մտահոգում Է մի այլ հիմնախնդիր. Համացանցի օգտատերերի կարիքների համար մեծ Բրիտանիան ծախսում Է երկրում արտադրվող Էներգիայի ութ տոկոսը, ինչը համարժեք Է երեք ատոմակայանների արտադրողականությանը: Այս ցուցանիշը կրկնակի մեծանում Է յուրաքանչյուր չորս տարին մեկ: Այսինքն՝ տեսականորեն 2035 թվականին Համացանցը կարող Է սպառել Մեծ Բրիտանիայում արտադրվող ամբողջ Էներգիան: