2 րոպեի ընթերցում
ԵՐԵՎԱՆ, 30 ԱՊՐԻԼԻ, ԱՐՄԵՆՊՐԵՍ: Աշխարհում 2015 թվականի սկզբից 51 լրագրող Է սպանվել, այդ թվում՝ չորսը՝ Ուկրաինայում: Այդ մասին, ինչպես տեղեկացնում Է «Արմենպրես»-ը, Ժնեւում հայտնել Է Press Emblem Campaign շվեյցարական ոչ կառավարական կազմակերպությունը, որը հանդես Է գալիս ի պաշտպանություն լրագրողների իրավունքների «թեժ կետերում»:
Մայիսի 3-ին նշվող Մամուլի ազատության համաշխարհային օրվա նախաշեմին նա խորն անհանգստություն Է հայտնել մի շարք երկրներում անվտանգության ոլորտի պայմանների վատանալու կապակցությամբ, ինչն ազդել Է լրագրողների աշխատանքի վրա: Եթե անցյալ տարվա առաջին չորս ամսում սպանվել Էր 41 լրագրող, ապա այս տարի՝ 10-ով ավելի, նշում Է կազմակերպությունը:
«Մերձավոր Արեւելքն այն տարածաշրջանն Է, որտեղ առավել մեծ թիվ են կազմում զոհերը՝ 17 սպանված,- նշում Է Press Emblem Campaign-ը:- Լիբիան այս տարի դարձել Է ամենավտանգավոր երկիրը, որտեղ սպանվել Է ութ լրագրող»:
Ինչպես հայտարարել Է Press Emblem Campaign-ի գլխավոր քարտուղար Բլեզ Լեմպանը, 2015 թվականի առաջին չորս ամսում դրությունը չի բարելավվել մի շարք երկրներում, մասնավորապես, Սիրիայում, Իրաքում, Եմենում, Լիբիայում եւ Ուկրաինայում, շարունակվող հակամարտությունների պատճառով, ինչպես նաեւ ահաբեկիչների կողմից ԶԼՄ-ների դեմ կատարվող զինված հարձակումների կապակցությամբ, հաղորդել Է ՏԱՍՍ-ը: