1 րոպեի ընթերցում
ԳԱՎԱՌ, 29 ԱՊՐԻԼԻ, ԱՐՄԵՆՊՐԵՍ: Գեղարքունիքի մարզպետ Ռաֆիկ Գրիգորյանն ընդունել է դեսպան, Հայաստանում Եվրոպական Միության պատվիրակության ղեկավար Տրայան Հրիսթեային, Հայաստանոմ Լիտվայի Հանրապետության դեսպան Էրիկաս Պետրիկասին, Եվրոպական Միության պատվիրակության համագործակցության բաժնի ղեկավար Հոա-Բին Աջեմյանին, Եվրոպական Միության պատվիրակության մամուլի և տեղեկատվության հարցերի պատասխանատու Անահիտ Ազարյանին: Ինչպես «Արմենպրես»-ին տեղեկացրին Գեղարքունիքի մարզպետարանի աշխատակազմի տեղեկատվության եւ հասարակայնության հետ կապերի բաժնից, այցը կրում էր ճանաչողական բնույթ, որի ընթացքում կողմերը քննարկեցին տարաբնույթ հարցեր:
Գեղարքունիքի մարզպետ Ռաֆիկ Գրիգորյանը ԵՄ պատվիրակներին ներկայացրել է մարզի ընդհանուր բնութագիրը, սոցիալ-տնտեսական զարգացման գլխավոր ուղղությունները եւ հեռանկարները, տնտեսական հնարավորությունները, հյուրերին հետաքրքրող այլ տեղեկություններ՝ հավելելով, որ Գեղարքունիքի մարզը պատրաստ է համագործակցել ԵՄ անդամ երկրներ հետ ցանկացած կառուցողական ծրագրի շուրջ:
ԽոսրովԽլղաթյան