1 րոպեի ընթերցում
ԵՐԵՎԱՆ, 22 ԱՊՐԻԼԻ, ԱՐՄԵՆՊՐԵՍ: Դուբայում մեկնարկել է ուղտերի փառատոնը, որը կշարունակվի տասն օր: Ինչպես հաղորդում է «Արմենպրես»-ը՝ վկայակոչելով արաբական լրատվամիջոցները, ընդհանուր առմամբ, տեղի կունենա 360 մրցավազք, և հաղթողները կստանան մեքենաներ:
«Փառատոնն ամենակարևոր և մեծ միջոցառումն է տարածաշրջանում և համարվում է ԱՄԷ-ի ազգային հպարտությունը»,- նշել է ԱՄԷ-ի բարձրաստիճան պաշտոնյա Աբդ Ալլահ ալ Մուհեյրին: Փառատոնին մասնակցում են ողջ Պարսից ծոցի երկրների ուղտերի վազքի սիրահարները: Ընդհանուր մրցանակային ֆոնդը կազմում է 22 միլիոն դոլար:
Փառատոնի շրջանակում նախատեսվում է ուղտերի աճուրդ: Տեղեկություններ կան, որ 2008թ.-ին փառատոնի ժամանակ ուղտերից մեկը վաճառվել է 5.8 միլիոն դիրհամով, որը համարժեք է 1.6 միլիոն ԱՄՆ դոլարին
Միևնույն ժամանակ, փառատոնը կառանձնանա նրանով, որ ողջ տարածաշրջանի պարողները կցուցադրեն սրերով պարեր: