1 րոպեի ընթերցում
ԵՐԵՎԱՆ, 17 ԱՊՐԻԼԻ, ԱՐՄԵՆՊՐԵՍ: Դուբայում նախատեսվում է ստեղծել հատուկ դատարան, որը կզբաղվի զբոսաշրջիկների օրինախախտ գործերով:
Այս մասին հայտնում է Arabian Business-ը:
«Արմենպրես»-ի փոխանցմամբ, Էմիրությունների իշխանությունները տեղեկացնում են, որ օրական բազմաթիվ զբոսաշրջիկներ են ժամանում Դուբայ, և նրանք շատ հաճախ փոքր օրինախախտումներ են կատարում: Օրինակ, օգտագործում են ալկոհոլ կամ ղեկին նստում են ալկոհոլ օգտագործած վիճակում:
Կոնկրետ չի նշվում, թե դատական կառույցը երբ կսկսի գործել, միայն հայտնի է, որ աշխատանքները կսկսվեն 2015թ. ընթացքում:
Աղբյուրի տեղեկացմամբ, դատարանը չի զբաղվի դատական լուրջ գործերով: